13 Desember 2018: Sydney

Gister was darem n baie beter en rustiger dag op die diep see ,waaroor ek maar te bly was want dit is nogal scary as dinge so woes en wild is.Ek verbeel my mos die see hierso en om Africa moet wilder wees as in Amerika en Karibiese eilande weet nie waar ek aan die gedagtes kom nie.

Hulle het toe die shows omgeruil omdat dit te gevaarlik was vir die intertainers om op te tree.Gister het ek darem weer begin met my fotos so hopelik sal ek teen die einde van die kontrak alles klaar he en dit dan laat druk,foto boeke van al ons verskillende reise en bestemmings .

Moes vandag alleen rondloop want agv die skuiterasie stories moes liefie aan boord bly om vure dood te slaan en al die navrae te hanteer.Kyk dis nou n geweldige affere en hopelik in die kiem gesmoor.Ek is vroeg af en toe is dit strate toe ,heel eerste regtuit na die botaniese tuine en was toe ongelooflik mooi.

Van plante ,bome en blomme kry ek net nooit genoeg nie, bitter mooi en hulle sit so baie in en doen so baie moeite met die parke en tuine,dink ek sou beslis in so n werk geaard het.Herken baie van die plante wat ons by die huis het,en my sommer weer geinspireer om volstoom tuin te maak en betrokke te raak in ons komplek tuin.

Toe is dit biblioteek toe en wat n indrukwekkende gebou,groot en ruim en alles op sy plek,te heerlik om net daar te kon gaan sit in stilte en net alles in te neem.

Boeke net waar jy kyk, het my laat dink aan die bib in New York,so statig.

Daarna is ek sommer die strate in en by n vreeslike groot kersfees boom uitgekom wat pragtig versier is,ek verkyk my aan alles veral die mooi geboue en dink ek is in die verkeerde eeu gebore!!Die ou goed is vir my regtig iets besonders,mesmerizing.hee heeee

Toe is dit tyd vir my cuppucino en almond croissant ,het hom die keer styf vasgehou so half onder my hand net ingeval die seemeeue gedink het hier is weer n free lunch!Was eintlik lekker om net te sit en alles in te neem,verkyk my aan al die toeriste en locals,almal besig met iets en oppad erens heen.

Teen die tyd is ek al 5 ure aan die rondloop en besluit om vir die laaste 2 ure nog n ander wye draai te stap en die Sydney brug area te gaan verken ,tot onder die brug gestap en daar ook my verkyk aan die ingeneurs werk van die statige ou brug,regtig amazing om te dink deur mense gebou baie jare gelede.Ook by die Harbour View Hotel n draai gemaak wat uit n ander era kom.

Oppad terug skip se kant toe by local pub verby en gesien hier kan ons volgende keer lekker vis en chips kom eet en n bier drink,so dis nou op die lys vir volgende besoek as liefie af is.Teen die tyd gedink dalk moet ek nie te lank wegbly nie voor my man my wil begin soek of ek sy bloeddruk op jaag ,want soos julle weet die skip wag vir niemand nie.Was eintlik n heerlike dag en nie te warm nie,hulle het reen voorspel maar gelukkig het ons dit vrygespring want rondloop in die reen nou nie lekker nie.More is ons weer op die see en dan wag Hobart in Tasmania.